{"id":5271,"date":"2022-03-31T10:57:41","date_gmt":"2022-03-31T09:57:41","guid":{"rendered":"https:\/\/headoffice.mpct.co.uk\/patron\/yr-is-gadfridog-jonathon-riley-cb-dso-phd-ma\/"},"modified":"2022-04-07T11:53:06","modified_gmt":"2022-04-07T10:53:06","slug":"yr-is-gadfridog-jonathon-riley-cb-dso-phd-ma","status":"publish","type":"patron","link":"https:\/\/headoffice.mpct.co.uk\/cy\/patron\/yr-is-gadfridog-jonathon-riley-cb-dso-phd-ma\/","title":{"rendered":"Yr Is-gadfridog Jonathon Riley CB DSO PhD MA"},"content":{"rendered":"

Mae gyrfa Filwrol nodedig yr Is-gadfridog Jonathon Riley yn rhychwantu dros 40 mlynedd. Mae\u2019n awdur, yn ddarlithydd a\u2019n hanesydd medrus \u00e2 phrofiad a gwybodaeth helaeth, ac y mae wedi ysgrifennu 15 cyfrol hyd yma – gyda 3 arall i’w cyhoeddi eleni. Ei gyfraniad llenyddol diweddaraf yn “British Generals in Blair\u2019s Wars” sy\u2019n seiliedig ar ei brofiadau fel Swyddog Milwrol ar lefel uchel, ac mae\u2019n gipolwg gwych ar wrthryfela a gwrthderfysgaeth yn ogystal \u00e2\u2019r gweithrediadau heriol a newidiol a welodd yn ystod ei dymhorau yn Irac ac Afghanistacn. Cafodd ei fagu yn Swydd Efrog, a derbyniodd ei addysg Ngholeg Prifysgol Llundain, lle enillodd MA mewn Geomorffoleg, ym Mhrifysgol Leeds lle enillodd Radd Meistr mewn Hanes, ac yna ym Mhrifysgol Cranfield lle enilled PhD mewn Hanes Modern. Ymunodd \u00e2’r fyddin yn 1973, a chael ei gomisiynu i\u2019r Queen\u2019s Regiment flwyddyn yn ddiweddarach. Ar \u00f4l esgyn trwy’r rhengoedd, ymunodd \u00e2’r Ffiwsilwyr Brenhinol Cymreig. Cyflawnodd bum tymor dyletswydd ym Mosnia rhwng 1992-1999 lle\u2019r oedd ei weithrediadau\u2019n cynnwys bod yn Brif Swyddog y Ffiwsilwyr Brenhinol Cymreig pan oedd dinas Gora\u017ed dan warchae yn 1995. Roedd ei dymhorau gweithredol yn cynnwys bod yn rhan o\u2019r Stabilisation Force (SFOR) dan arweiniad NATO ym Mosnia a Herzegovina 1998-1999, llu a oedd yn cynnig presenoldeb milwrol hyblyg a allai ganolbwyntio ar feysydd critigol, a bu\u2019n hyfforddi ac ailstrwythuro’r Lluoedd Arfog o fewn Cytundeb y Fframwaith Cyffredinol ar gyfer Heddwch, a oedd yn cynnwys nifer o arolygiadau rheolaidd o safleoedd storio arfau, monitro gweithgareddau hyfforddi a symud a gweithrediadau codi ffrwydron. Ac yntau wedi ennill medalau ymgyrch ym mhob un o\u2019i safleoedd, yn 1995 derbyniodd yr Is-Gadfridog Riley DSO i gydnabod ei ddewrder a\u2019i ymddygiad nodedig yn y Balcanau. Roedd yn un o\u2019r ychydig Swyddogion Prydeinig a fu\u2019n arwain Cyd-weithlu Tri-gwasanaeth yng ngweithrediadau Sierra Leone 2000-2001. Roedd Riley hefyd yn gyfrifol am 1st Mechanised Brigade ym Mosnia, bu\u2019n Bennaeth Staff ar frig\u00e2d arfog ac ar is-adran arfog, ac yn Ddirprwy Gadfridog ar Is-adran Amlwladol yn Irac. Rhwng 2003 a 2004, bu Riley yn Ddirprwy Gadfridog yn y Coalition Military Advisory and Training Team. Ef oedd Uwch Gynghorydd Milwrol Prydain i Central Command yr UDA yn 2005, a Dirprwy Gomander lluoedd NATO yn Afghanistan yn 2007, lle bu ei brofiadau yn Affrica yn gymorth wrth arwain. Roedd hefyd yn Ddirprwy Gadfridog ISAF (Afghanistan) rhwng Medi 2007 a Rhagfyr 2008. Fe’i gwnaed yn Swyddog o Legion of Merit yr Unol Daleithiau America yn 2004; yn Gydymaith o Urdd y Baddon yn Anrhydeddau’r Flwyddyn Newydd 2008, a derbyniodd Fedal Gwasanaeth Rhinweddol NATO gan yr Ysgrifennydd Cyffredinol yn 2009. Ar \u00f4l cyfnod o addysgu yn Sandhurst, aeth Riley ymlaen i gwblhau taith yng Ngholeg Staff Camberley, lle bu\u2019n addysgu fel Dirprwy Gommandant ac yn gyfrifol am y Cwrs Uwch-swyddogion a’r Uwch Staff. Yn ei flynyddoedd o wasanaeth, cwblhaodd y Is-gadfridog Riley chwe thymor dyletswydd yng Ngogledd Iwerddon, pum tymor yn y Balcanau, dau o weithredoedd yn Irac, un yn Afghanistan ac un yn Sierra Leone. Bu ar dymhorau dyletswydd heddychlon eraill dros y cyfnod hwnnw hefyd, gan gynnwys yn yng Nghyprus, Canada, Denmarc, yr Almaen, Kenya a\u2019r UDA. Ymddeolodd o’r lluoedd arfog yn 2009, ond mae\u2019n parhau \u00e2’i waith fel Cynghorydd Technegol Milwrol, fel arholwr allanol ym Mhrifysgol Cranfield ac fel darlithydd gwadd ar bynciau Hanes Milwrol ac Astudiaethau Ymgyrchu ac athro gwadd yn King\u2019s College, Llundain. Ef yw Cadeirydd Amgueddfa’r Ffiwsilwyr Brenhinol Cymreig ac mae\u2019n un o Ymddiriedolwyr RUSI, (Royal United Services Institute). Yn 2011, derbyniodd Gymrodoriaeth er Anrhydedd gan Brifysgol Aberystwyth, a gyflwynwyd gan yr Athro Martin Alexander o’r Adran Gwleidyddiaeth Ryngwladol. Mae’n un o\u2019r saith Cymrawd a anrhydeddwyd gan Brifysgol Aberystwyth yn ystod Seremon\u00efau Graddio 2011 (Newyddion Archifau’r Brifysgol). Erbyn hyn, mae Jonathon Riley ar Gofrestr Tystion Arbenigol y DU, ac mae ef, ynghyd \u00e2 Huw Edwards y BBC, wedi dod yn noddwr o LINKS 6. Yn fwy diweddar, cafodd wahoddiad i ymuno \u00e2 gr\u0175p cynghori Coff\u00e1u’r Rhyfel Byd Cyntaf, o dan Syr Deian Hopkin, i roi cyngor i Lywodraeth Cymru ar y canmlwyddiant, a bydd hefyd yn Cadeirio gr\u0175p y Fyddin Brydeinig a fydd yn cefnogi\u2019r digwyddiadau hyn yng Nghymru. Mae hefyd wedi dod yn Noddwr i’r MPCT. Mae’r MPCT yn cael effaith enfawr ar recriwtio, gyda thros 500 o fyfyrwyr wedi ymuno \u00e2\u2019r Cymry Brenhinol a 1750 wedi ymuno \u00e2’r Fyddin. Maent hefyd yn parhau i gyflogi staff o\u2019r Fyddin yn unig, gyda thros 100 o aelodau staff yn Gyn-Filwyr. Gweler www.generalship.org am ragor o fanylion am yrfa a gwaith parhaus yr Is-gadfridog Jonathon Riley. “Yn fy marn i, mae MPCT yn newid bywydau pobl ifanc er gwell. Yr wyf wedi siarad \u00e2 nifer o bobl ifanc ac maent oll yn dweud yr un peth: yr oeddent yn broblem, heb arweiniad na phwrpas, yn mynd o ddrwg i waeth. Ond ar \u00f4l mis neu ddau yn MPCT, mae\u2019r stori yn newid yn llwyr, a hyd yn oed os nad ydynt yn ymuno \u00e2’r lluoedd maent yn dod yn ddinasyddion da. O’r llu o filwyr yr wyf wedi cwrdd \u00e2 hwy a fu\u2019n ddisgyblion MPCT, teg dweud bod pob un ohonynt wedi llwyddo yn eu gyrfaoedd. Mae sawl Prif Swyddog wedi dweud bod graddedigion MPCT yn fwy tebygol o lwyddo yn eu hyfforddiant, i ddod yn filwyr da ac i gael eu dyrchafu trwy\u2019r rhengoedd. Mae\u2019r Ffiwsilwyr Brenhinol Cymreig 1af wedi ennill gwerth cwmni cyfan o filwyr o ganlyniad i waith MPCT.”<\/targed><\/p>\n","protected":false},"featured_media":668,"template":"","_links":{"self":[{"href":"https:\/\/headoffice.mpct.co.uk\/cy\/wp-json\/wp\/v2\/patron\/5271"}],"collection":[{"href":"https:\/\/headoffice.mpct.co.uk\/cy\/wp-json\/wp\/v2\/patron"}],"about":[{"href":"https:\/\/headoffice.mpct.co.uk\/cy\/wp-json\/wp\/v2\/types\/patron"}],"version-history":[{"count":1,"href":"https:\/\/headoffice.mpct.co.uk\/cy\/wp-json\/wp\/v2\/patron\/5271\/revisions"}],"predecessor-version":[{"id":5542,"href":"https:\/\/headoffice.mpct.co.uk\/cy\/wp-json\/wp\/v2\/patron\/5271\/revisions\/5542"}],"wp:featuredmedia":[{"embeddable":true,"href":"https:\/\/headoffice.mpct.co.uk\/cy\/wp-json\/wp\/v2\/media\/668"}],"wp:attachment":[{"href":"https:\/\/headoffice.mpct.co.uk\/cy\/wp-json\/wp\/v2\/media?parent=5271"}],"curies":[{"name":"wp","href":"https:\/\/api.w.org\/{rel}","templated":true}]}}