Huw Moores
Llyfryn Cyflwyno
![](https://headoffice.mpct.co.uk/app/uploads/2022/01/Huw-Moores-2.jpg)
Ces fy ngeni ym mis Ionawr 1966 yn Hannover, yr Almaen, gan fod fy nhad yn gwasanaethu dramor gyda’r Fyddin. Treuliais yr 16 mlynedd nesaf yng nghanol y bwrlwm a’r amrywiaeth cymdeithasol sy’n rhan o fywyd plentyn milwr sy’n symud o amgylch y byd.
Ymunais â’r Fyddin yn 16 oed yng Ngholeg Prentisiaid y Fyddin yng Nghas-gwent, a chwblhau fy Mhrentisiaeth fel gwneuthurwr weldio. Datblygais y sgiliau hyn dros y blynyddoedd ac yn y pen draw cyrhaeddais frig y maes trwy gymhwyso fel weldiwr arbenigol â chod. Bues ddigon ffodus i gael fy newis i hyfforddi darpar weldwyr arbenigol y Peirianwyr Brenhinol yn y Royal School of Military Engineering, ac i drosglwyddo’r profiad a’r sgiliau yr oeddwn wedi’u meithrin yn y swydd. Yn ystod fy ngyrfa â’r Fyddin, bûm yn gweithio mewn amrywiaeth o leoliadau gwaith o fewn y Peirianwyr Brenhinol, gan gynnwys Brwydro, Aer Symudol, Cymorth Awyr, Amffibiaidd, Arfog ac Ymosodiadau Awyr, a hynny mewn amgylcheddau gweithredol gwahanol ledled y byd.
Parodd fy ngyrfa â’r Fyddin am bron i 30 mlynedd, a’m swydd olaf oedd Swyddog Warant Dosbarth 1 (WO1) i Dîm Cynghori Recriwtio’r Frigâd, sy’n gyfrifol am baratoi a darparu hyfforddiant, monitro safonau recriwtio a rhoi cymorth MIS i’r fframwaith recriwtio rhanbarthol ledled Cymru.
Ar ôl ymddeol o wasanaeth milwrol llawn amser yn 2011 roeddwn yn falch iawn o gael fy nghyflogi gan MPCT, a thros y 10 mlynedd ganlynol rwyf wedi mwynhau’r heriau o adeiladu, datblygu a meithrin y berthynas fasnachol a phroffesiynol rhwng MPCT a’n partneriaid presennol. Yn 2019, ymunais â’r Uwch Dîm Arweinyddiaeth (SLT), ac yn fy ngwaith fel Cyfarwyddwr Datblygu Partneriaethau rwy’n gyfrifol am gynnal a datblygu cydweithredu strategol, ymgysylltu a chyfleoedd gyda phartneriaid presennol a darpar bartneriaid yr MPCT. Ar hyn o bryd rwyf hefyd yn cynrychioli ein Hymddiriedolaeth Elusennol (Yr MLT) fel un o’r Ymddiriedolwyr.
Fy niddordebau yw Golff, Rygbi ac rwy’n parhau i chwarae, hyfforddi a dyfarnu gemau Sboncen, sef fy mhrif ffocws chwaraeon dros y blynyddoedd. Ar hyn o bryd rwy’n un o’r Dyfarnwyr Cenedlaethol sydd â’r anrhydedd i gynrychioli Cymru fel swyddog yn nigwyddiadau Sboncen y Byd ac Ewrop.
Rwyf wedi bod yn briod â Karen ers 1992, a ni yw rhieni balch iawn Rhianydd, Alys a Bertie (y Cockapoo).